Ons Parknaval, 'n dag van pret vir die gemeenskap in Fleurpark, is om die draai! Die meeste reëlings is in plek maar ons kort nog heelwat mense om op verskillende plekke te help. Klik hier om 'n lys van die stalletjie sameroepers te sien. Kontak gerus een van hulle as jy wil help. As jy wil help met logistieke reëlings, kontak Frik Strydom by 664-1451. Vir algemene navrae kontak Kobus Badenhorst by 083-235-1084 of Freddie Schoeman by 084-581-8139

Chris Chameleon (Liam van 7e Laan) tree ten bate van ons gemeente in die Centurion Teater op op 5 September. Kaartjies is beskikbaar teen R80 by die inligtingstafel. Dit gaan vinnig - so spring gou!

Openbaring is seker die boek in die Bybel waaroor daar al die meeste nonsens geskryf en gepraat is. Maar wat was die oorspronklike boodskap van die boek? Voordat ons nie hierdie vraag kan antwoord nie kan ons moeilik die betekenis van die boek vir vandag peil. Nuwe navorsing oor die antieke tye het onlangs aan die lig gekom wat ons verstaan van die boek verhelder. 'n Reeks oor die verstaan van Openbaring word vanaf 13 Augustus om 19:00 tot en met 17 September (behalwe 27 Augustus) aangebied. Woon dit gerus by en nooi ook ander wat u dink daarby kan baat vind.

Adoramus beteken "Ons aanbid". Eerskomende Woensdagaand is 'n geleentheid om deur middel van skriflesings, meditasie en stilte baie naby aan die Here te kom. Dit is nodig om te midde van 'n gejaagde en spanningsvolle lewe stil te word voor die Here en Hom toe te laat om jou siel aan te raak.

Die ringsitting van die Ring van Lyttelton vind volgende Sondag in ons gemeente plaas. Deel van die sitting is die viering van die nagmaal saam met die ringsafgevaardigdes. Ons nooi graag die hele gemeente uit om hierdie geleentheid by te woon. Die NG Kerk se Seisoen van Luister sal tydens hierdie geleenthied bekend gestel word.

Die nou reeds bekende C-kruis kom tree weer in ons gemeente op vanaf 27 Augustus. Maak seker jy woon hulle optrede by op 27 Augustus om 19:00 asook 29-31 en Augustus en 1 September. Ons het ook mense nodig om die groep te huisves vir die week en om gesamentlike etes voor te berei. Skakel so gou as moontlik met Jaco van As (664-2149) indien jy kan help.