13 April 2007

In hierdie uitgawe

Pinkstertyd, gebedstyd

Ons nuwe kubergemeenskap!

Redaksioneel

Met Lydenstyd en die Groot Lydensweek agter ons beleef ons nou Paastyd - ons vir vir 50 dae lank die opstanding van Christus. Ons vir die feit dat ons saam met Christus 'n lewe in oorvloed kan lewe.

Een van die dae is dit Pinkster. Pinkster is gebedstyd. Vir tien dae lank gaan ons gemeente bid soos nog nooit tevore nie. Ons gaan bid dat elke lidmaat in ons gemeente, en ook soveel as moontlik ander mense in ons gemeenskap, 'n lewe in oorvloed sal begin leef.

Besoek gerus:

Ons webtuitste

Openbaring - reeks begin

Op 15 April, die Sondag na Paassondag, begin die beloofde reeks oor Openbaring. Hierdie boek, die laaste een in die Bybel, het 'n aangrypende boodskap wat dikwels misverstaan word. In stede daarvan dat gelowiges die seën en troos ontvang wat deur die boek bedoel word, verkeer hulle dikwels in vrees.

Die intensie agter hierdie reeks is om in te vra na die oorspronlike bedoeling van die boek en die redes waarom die oorspronlike lesers soveel inspirasie en bemoediging daaruit geput het. Onlangse navorsing oor die leefwêreld van Openbaring se eerste lesers bied nuwe en vars perspektiewe op baie van die onduidelikhede in die boek. Dit help ons om die boodskap van die boek helderder te verstaan as ooit tevore.

Indien jy meer wil weet oor die betekenis en boodskap van Openbaring, klik hier.

Sondag se program:

09:00 Erediens (Ds Freddie Schoeman) Tema: Openbaring: toekomsorakel of troos vir vandag?
09:00 Kindereredienste
10:30 Erediens (Ds Freddie Schoeman) Tema: Openbaring: toekomsorakel of troos vir vandag?
17:30 Jeugdiens

Pinkstertyd, gebedstyd

Ons gemeente beoog om soos nog nooit tevore in ons geskiedenis die aangesig van die Here op te soek gedurende Pinkster 2007.

Nadat Jesus uit die dood opgestaan het, het Hy verskeie kere aan sy dissipels verskyn en met hulle oor die dinge van die Koninkryk van God gepraat en die belangrikheid daarvan om God se liefde aan al die nasies van die wêreld uit te dra.

Op die laaste dag wat Hy met hulle was het Hy vir hulle aangesê om in Jerusalem te bly en te wag op die gawe wat die Vader belowe het. Hulle het dit gedoen. Vir tien dae lank het hulle eensgesind vohard in gebed. Hulle het God se aangesig ernstig en dringend gesoek. Hulle het ywerig en met oorgawe uitgeroep na God toe om sy beloftes aangaande sy koninkryk op aarde waar te maak.

Vandag roep Christus weer sy kerk om te verenig in gebed. Ons word verder ook daartoe gedring omdat ons in moeilike en goddelose omstandighede leef.

Ons word aangespoor om soos die eerste Christene met brandende harte voor die Here te kniel en te pleit dat sy koninkryk met krag in ons midde sal kom.

Vir tien dae lank gaan ons gemeente-sentrum as een groot gebedsentrum ingerig word. Gebedstasies gaan opgerig word.

Ons gaan die gemeenskap nooi om by ons aan te sluit.

Saam gaan ons by die Here intree vir ons gemeente, ons gemeenskap, ons land - en die wêreld.

En dan gaan ons op 27 Mei aansluit by miljoene ander Christene regoor die wêreld en saam gaan ons by die Here pleit:

"Laat u koninkryk kom, laat u wil geskied . . ."

Word deel van ons kubergemeenskap!

Het jy gedink kerk is net vir Sondae? Dink weer! MyChurch bied aan gelowiges die geleentheid om die gemeenskap van gelowiges elke dag en boonop op 'n unieke manier - aanlyn in die kuberruim! - te beleef. Op Lyttelton-Oos se MyChurch-ruimte kan jy:

gesprekke voer en vriende maak met ander gemeentelede (en ook ander Christene van ander kerke)
op hoogte bly van alles wat gebeur in die gemeente
voorbidding vra en ook vir ander te bid en hulle te ondersteun
jou besigheid bekend stel deur middel van 'n gratis advertensie
kommentaar lewer op alles wat in die gemeente aangaan
deel word van 'n groep en / of jou eie groep stig
jou eie blog bedryf (waarop ander gemeentelede kan kommentaar lewer)
en nog baie meer

Hoe word jy deel? Klik op die MyChurch skakel op lys aan die regterkant van hierdie nuusbrief. Klik dan op die "Join this Church" knoppie. Jy moet dan jou eie profiel registreer (dis baie eenvoudig!) en dan kan jy by die Lyttelton-Oos gemeenskap aansluit. Doen dit sommer gou!

Ons sien daarna uit om jou te verwelkom.

Droomspan

Walt Disney het by geleentheid gesê: You can dream, create, design and build the most wonderful place in the world, but it requires people to make the dream a reality.

Dit is natuurlik ook waar van ons gemeente se droom. Daarom wil ons graag 'n "droomspan" saamstel - 'n span wie se taak dit sal wees om die droom wat die Here aan ons gemeente gegee het waar te maak. Begin asseblief hieroor bid. Wil die Here jou dalk hiervoor inspan? Hou jy van uitdagings? Wil jy graag deel wees van 'n nuwe opwindende fase in ons gemeente se ontwikkeling en groei? Kontak Freddie Schoeman so gou as moontlik by lyttoos@mweb.co.za, of besoek MyChurch, klik op "Groups" en dan op "Droomspan" en sluit aan.

Parknaval

Op 1 September hierdie jaar maak ons weer so: ons hou PARKNAVAL!

Die beplanningswiele is reeds aan die rol en ons eerste amptelike vergadering vind op 17 April om 19:00 plaas. Soos gewoonlik is daar baie hande nodig en wil ons graag elke lidmaat uitnooi om "boots and all" betrokke te raak. Dis altyd 'n groot fees en vreugde om saam te werk en skouers te skuur terwyl ons 'n groot projek aanmekaar sit.

Indien jy nou reeds jou insette wil lewer of wil aanmeld vir diens, skakel Kobus Badenhorst by 083 235 1084 of besoek MyChurch, klik op "Groups" en dan op "Parknaval" en sluit aan.