Ouderlinge
Die ouderlingraad bestaan uit 14 wyksouderlinge sowel as 'n aantal ouderlinge wat voorsitters van kommissies is. Vir 'n uiteensetting van die bedieningstruktuur van die gemeente, sien wykstelsel.
Die bestuur word behartig deur 'n voorsitter (leier-ouderling), 'n ondervoorsitter (onderleier-ouderling) en 'n sekretaris
- Kerkraad, Desember 2008 (PDF)
Die take van die ouderling
Ten einde sy sentrale taak uit te voer, moet die ouderling:
- gereeld (ten minste twee maal per jaar) by elke besoekpunt besoek aflê;
- gereeld kontak hou met die dienswerkers in sy wyk
- lidmate aanmoedig om toegewyd aan die Here te leef deur hulle aan te spoor om aan die eredienste en ander geestelik-verrykende aktiwiteite mee te doen;
- gereeld die siekes en ander noodlydendes besoek om hulle geestelik te bemoedig en te versterk;
- gereeld die kerkraadsvergaderings bywoon.
- toesig hou oor die bywoning van die kategese, inskakeling by mentorgroepe en bywoning van jeugbyeenkomste.