Godsdiens-aktueel: ’n Pil alleen kan jou nie gesond maak

Christina bied hier iets vir ons om regtig oor na te dink! Deel jou gedagtes met ons deur op die "comments"-skakel hieronder te klik.

Die afgelope vyf jaar het hoofstroom Protestantse kerke in Suid-Afrika 1,2 miljoen van hul lede verloor. Dis nou die NGK, die Hervormers, die Doppers, die Anglikane, die Metodiste, die Lutherane, en so aan.

Dit beteken nie dat Suid-Afrikaners minder godsdienstig geword het nie. Inteendeel. Dit beteken dat daar ander kerke is wat geweldig groei. En dit is kerke wat hul op genesing toelê.