Virgin krap Christene om met reklame

Baie Christene voel kwaad oor Virgin Mobile se nuutste advertensie

Virgin Mobile sal moontlik vroeg volgende week hoor of hy mag voortgaan om “pruilende wulpse engele” en ander dele van ’n “godslasterlike televisie-advertensie” te gebruik om sy dienste te adverteer.
Ontstelde Christene het met sulke opmerkings beswaar gemaak teen die advertensie waarin ’n man doodgaan, per hysbak “hemel” toe geneem en dan deur ’n persoon met ’n groot boek teruggestuur word aarde toe, omdat hy nog aan ’n selfoonkontrak verbind is.