Vier lesse vir die kerk ná aanval

Allan Boesak se rubriek in vanoggend se Beeld.

Senzeni Zokwana is een van dié wat maar alte dankbaar was toe die kerk in die struggle-tyd voorgeloop het toe niemand anders wou voorloop nie.

Toe was ons stem onontbeerlik en is ons met dawerende vivas! gevra om tog asseblief namens die onderdrukte massa van Suid-Afrika te praat.

Toe het die kerk en Christene goed geweet wie ons leiers moet wees.

Nou word ons vingerswaaiend gemaan om “nie voor te skryf nie” omdat die ANC-strukture wel sal uitmaak wie die land se leiers sal wees en hoe die leierskap hom moreel moet gedra.