Dirkie Smit se rubriek in Saterdag se Die Burger

Seën, voed, wys geestelike waardes

DIE huidige lydenstyd is vir die kerk ‘n tyd van geestelike inkeer, ’n tyd van nadink oor Jesus se lyding, sterwe en opwekking – en wat dit alles van óns sê, hoe óns inpas in die verhaal en wat dit alles vir ons menswees vandag beteken. Baie bid in dié dae, sommige vas selfs, uit verlange om geestelik gevoed te word, geseën met nuwe selfkennis, perspektief, helderheid.